វេទិកា អាយស៊ីធី និងឌីជីថលកម្ពុជា លើកទី២
នាថ្ងៃទី១៦ ខែវិច្ឆិកា ឆ្នាំ២០២២ អង្គការទិន្នន័យអំពីការអភិវឌ្ឍន (អូឌីស៊ី) បានរៀបចំ វេទិកា អាយស៊ីធី និងឌីជីថលកម្ពុជា (CamIDF)លើកទី២ នៅរាជធានីភ្នំពេញដោយមាន សមាសភាពចូលរួមមានចំនួន ៤៦ នាក់ ដែលជា សមាជិក CamIDF, អតីតអ្នកចូលរួមកម្មវិធី កម្ពុជា អាយស៊ីធីខែម ២០២២, មន្ត្រីរដ្ឋាភិបាល, អង្គការសង្គមស៊ីវិល, សហគមន៍ជនជាតិដើមភាគតិច, សហគមន៍ LGBT+, អ្នកសារព័ត៌មាន, អ្នកការពារសិទ្ធិឌីជីថល វិស័យឯកជន និងនិស្សិតសាកលវិទ្យាល័យ។
វេទិកា អាយស៊ីធី និងឌីជីថលកម្ពុជា (CamIDF) លើកទី២ មានគោលបំណង
• ផ្សព្វផ្សាយការពិភាក្សាក្នុងចំណោមសមាជិក បុគ្គល និងស្ថាប័ននានាទាក់ទងនឹង អាយស៊ីធី និង ទិដ្ឋភាពឌីជីថល រួមទាំងបទប្បញ្ញត្តិដែលបានកែសម្រួល និងព្រាងថ្មីស្តីពីបរិយាកាសឌីជីថលនៅកម្ពុជា។
• លើកកម្ពស់ការពិភាក្សាអំពីសុវត្ថិភាព និងការការពារឌីជីថលក្នុងចំណោមអ្នកជំនាញ ឪពុកម្តាយ និងកុមារជនជាតិដើមភាគតិច សមាជិក CamIDF និងអ្នកពាក់ព័ន្ធផ្សេងទៀត។
កិច្ចពិភាក្សា រយៈពេលមួយថ្ងៃនេះ បានចាប់ផ្តើមជាមួយនឹងសន្ទរកថាស្វាគមន៍ពីលោក ធី ទ្រី នាយកប្រតិបត្តិ/និពន្ធនាយកនៃ អង្គការទិន្នន័យអំពីការអភិវឌ្ឍ (អូឌីស៊ី) ។ លោកបានថ្លែងពីចំនុចសំខាន់ៗនៃវេទិកា ដែលមានគោលបំណងរក្សាការពិភាក្សាបន្តសម្រាប់កម្មវិធី កម្ពុជា អាយស៊ីធីខែម ២០២២ និងបង្កើតសហគមន៍ថ្មីមួយសម្រាប់បុគ្គល ឬភាគីពាក់ព័ន្ធផ្សេងទៀតដែលចាប់អារម្មណ៍លើការជជែកពិភាក្សាអំពីឌីជីថល និង អាយស៊ីធី ដើម្បីក្លាយជាសមាជិកនៃវេទិកានេះ។
បន្ទាប់ពីមានសន្ទរកថាស្វាគមន៍ពីលោក ទ្រី អ្នកស្រី Pyrou Chung នាយកនៃ Open Development Initiative និងជាសមាជិកនៃគណៈកម្មាធិការប្រឹក្សា CamIDF បានមាននូវមតិសំណេះសំណាលជាមួយអ្នកចូលរួម។ នៅក្នុងព្រឹត្តិការណ៍នោះ លោកស្រី CHUNG មានប្រសាសន៍ថាលោកស្រីពិតជារីករាយណាស់ដែលបានឃើញការចូលរួមយ៉ាងសម្បូរបែបពីទស្សនិកជន រួមមានយុវជន ជនជាតិដើមភាគតិច និងស្ត្រី។ គាត់បានលើកទឹកចិត្តអ្នកចូលរួមវ័យក្មេងឱ្យរក្សាខ្លួនពួកគេឱ្យទាន់សម័យជាមួយនឹងនិន្នាការឌីជីថល និង អាយស៊ីធី បច្ចុប្បន្នដោយបង្ហាញថាវានឹងផ្តល់អត្ថប្រយោជន៍ដល់ពួកគេនាពេលអនាគត។
លោក ង៉ូវ ជីហ័រ ប្រធានផ្នែកទំនាក់ទំនង នៃអង្គការទិន្នន័យអំពីការអភិវឌ្ឍន បានចែករំលែកនូវ របាយការណ៍ពីព្រឹត្តិការណ៍ កម្ពុជា អាយស៊ីធីខែម ២០២២ ដែលរៀបចំនៅខែមិថុនា នៅខេត្តសៀមរាប។
ការចែករំលែកបទពិសោធន៍ដោយសមាជិក CamIDF
កម្មវិធីបន្ទាប់ គឺជាវគ្គចែករំលែកដ៏រំភើបមួយពីកញ្ញា រចំ មុន្នី និងលោករម៉ាម ប្លេន អតីតសមាជិក កម្ពុជា អាយស៊ីធីខែម ២០២២ និងសមាជិក CamIDF ដែលបានជ្រើសរើសឱ្យចូលរួមក្នុងវេទិកាសន្តិភាពទីក្រុងប៉ារីសលើកទី៥ នៅប្រទេសបារាំង ចាប់ពីថ្ងៃទី ១២ ដល់ ១៣ ខែវិច្ឆិកា ឆ្នាំ ២០២២។ “ក្នុងនាមជាសមាជិកនៃវេទិកា អាយស៊ីធី និងឌីជីថលកម្ពុជា (CamIDF) ខ្ញុំមានឱកាសដាក់ពាក្យចូលរួមកម្មវិធីវេទិកាសន្តិភាពទីក្រុងប៉ារីស (PPF) ជាលើកដំបូង”។ ក្នុងនាមជាជនជាតិដើមភាគតិច (IP) មកពីសហគមន៍ចារ៉ាយកញ្ញា រចំ មុន្នី ជឿថាកម្មវិធីនេះនឹងផ្តល់អត្ថប្រយោជន៍យ៉ាងច្រើន និងធ្វើឲ្យនាងមានលទ្ធភាពទទួលបានទិន្នន័យ ព័ត៌មាន និងការគ្រប់គ្រងខ្លួនឯង។
ម្យ៉ាងវិញទៀត លោក រម៉ាម ប្លេន រីករាយជាមួយនឹងបទពិសោធន៍ និងចំណេះដឹងថ្មីៗដែលគាត់ទទួលបានពីកម្មវិធី។ គាត់បាននិយាយថា “ខ្ញុំបានចូលរួមក្នុងវគ្គជាច្រើនស្តីពីទិន្នន័យ ឌីជីថល និងបញ្ហាសកល ដែលជាប់ទាក់ទងនឹងថ្នាក់បរិញ្ញាបត្ររបស់ខ្ញុំ។ វាធ្វើឲ្យការចង់ដឹងរបស់ខ្ញុំ ខ្ញុំភ្ញាក់ផ្អើល»។
ទិដ្ឋភាពទូទៅនៃរដ្ឋាភិបាលឌីជីថល
នៅក្នុងវគ្គរសៀល Poren CHIANG អ្នកស្រាវជ្រាវច្បាប់ឌីជីថលមកពីកោះតៃវ៉ាន់ និងជាសមាជិកនៃគណៈកម្មាធិការប្រឹក្សាយោបល់ CamIDF បានធ្វើបទបង្ហាញអំពីទិដ្ឋភាពរដ្ឋាភិបាលឌីជីថលនៅតៃវ៉ាន់ដល់អ្នកចូលរួម។ បទបង្ហាញបង្ហាញពីរដ្ឋាភិបាលអេឡិចត្រូនិក ការការពារទិន្នន័យផ្ទាល់ខ្លួន ទិន្នន័យបើកចំហ ការរក្សាសិទ្ធិ រដ្ឋាភិបាលឌីជីថល និងការគ្រប់គ្រងទិន្នន័យ។ Poren បានអះអាងថារដ្ឋាភិបាលឌីជីថលស្តាប់ទៅគួរឱ្យចាប់អារម្មណ៍ ប៉ុន្តែ តម្រូវ ឪ្យបំពេញ ការងារបន្ថែមទៀតដើម្បីអនុវត្តកិច្ចការនេះទៅបាន។
រដ្ឋាភិបាលឌីជីថល និងការពិភាក្សាអំពីក្របខ័ណ្ឌច្បាប់ និងបទប្បញ្ញត្តិពាក់ព័ន្ធ
ការអភិវឌ្ឍន៍យ៉ាងឆាប់រហ័សនៃគោលនយោបាយសេដ្ឋកិច្ចឌីជីថលរបស់កម្ពុជាបានជះឥទ្ធិពលដល់វិស័យ និងបុគ្គលជាច្រើនក្នុងប្រទេសកម្ពុជា។ ឧបករណ៍បច្ចេកវិទ្យា និងបរិវត្តកម្មឌីជីថល ត្រូវបាន រដ្ឋាភិបាល សង្គមស៊ីវិល និងវិស័យឯកជន ចាប់ផ្ដើម ប្រើប្រាស់ និង សម្របខ្លួន។ ទោះជាយ៉ាងណាក៏ដោយ វិសោធនកម្ម និងការអនុវត្តច្បាប់ និងបទប្បញ្ញត្តិទាក់ទងនឹងលំហឌីជីថលក្នុងប្រទេសកម្ពុជានាពេល បច្ចុប្បន្ន បានបង្កើត ជាសំណួរជាច្រើនអំពីអត្ថន័យ និងវិសាលភាពរបស់វា។ នៅក្នុង កិច្ចប្រជុំនេះ ខ្លឹមសារ និងការអនុវត្តច្បាប់ និងកង្វល់ផ្សេងទៀត ត្រូវបានលើកឡើងដោយមានការចូលរួមពីភាគីពាក់ព័ន្ធ រួមមានរដ្ឋាភិបាល អង្គការសង្គមស៊ីវិល ក្រុមសិទ្ធិឌីជីថល និងដៃគូអភិវឌ្ឍន៍ផ្សេងៗទៀតទាក់ទងនឹងការកំណត់ទំហំឌីជីថល ក្នុងកំឡុងពេលមានការវិវត្តនៃបរិវត្តកម្មឌីជីថលនៅកម្ពុជា។
ឯកឧត្តម កង ច័ន្ទតារារ័ត្ន អនុរដ្ឋលេខាធិការរក្រសួងប្រៃសណីយ៍ និងទូរគមនាគមន៍ បានធ្វើបទបង្ហាញអំពីផែនការមេនៃគោលនយោបាយរដ្ឋាភិបាលឌីជីថលកម្ពុជាឆ្នាំ ២០២៣-២០៣៥ ដោយនាំយក នូវពេលវេលាជាក់លាក់ និងវឌ្ឍនភាពនៃការអនុវត្តគោលនយោបាយ។
ឯកឧត្តម កង ច័ន្ទតារារ័ត្ន បានបង្ហាញពីការប្តេជ្ញាចិត្តរបស់រដ្ឋាភិបាលក្នុងការប្រែក្លាយប្រទេសទៅជាសង្គមឌីជីថល ដោយនិយាយថាបរិវត្តកម្មឌីជីថលត្រូវចាប់ផ្តើមពីប្រព័ន្ធរដ្ឋាភិបាល រួមទាំងការផ្តល់សេវាសាធារណៈ និងការគ្រប់គ្រងទិន្នន័យ។
នៅពេលដែលប្រទេសកម្ពុជាឆ្ពោះទៅរកសង្គមឌីជីថល ឯកជន ភាពផ្ទាល់ខ្លួន និងបញ្ហាសន្តិសុខតាមអ៊ីនសាយប័របានកើតឡើង។ ក្រសួងមហាផ្ទៃ ទទួលបន្ទុករៀបចំសេចក្តីព្រាងច្បាប់ និងឧក្រិដ្ឋកម្មតាមអ៊ីនធឺណិត។ ឯកឧត្តម ហ៊ុយ វណ្ណៈ រដ្ឋលេខាធិការក្រសួងមហាផ្ទៃបានចែករំលែកខ្លឹមសារមួយចំនួនពីសេចក្តីព្រាងច្បាប់ស្តីពីឧក្រិដ្ឋកម្មតាមប្រព័ន្ធអ៊ីនធឺណិតដែលជាលក្ខណៈឯកជន។ ឯកឧត្តម ហ៊ុយ វណ្ណៈ បានបញ្ជាក់ថា ក្រសួងនឹង ស្នើសុំយោបល់និងធាតុចូលពីសង្គមស៊ីវិលទាក់ទងនឹងខ្លឹមសារនៃច្បាប់នេះ។
លោក ង៉ែត ម៉ូសេ អ្នកប្រឹក្សាផ្នែកសន្តិសុខឌីជីថល បានស្នើឱ្យរដ្ឋាភិបាលផ្តល់ឱកាសដល់សង្គមស៊ីវិលក្នុងការផ្តល់ធាតុចូលដល់សេចក្តីព្រាងច្បាប់ស្តីពីលំហឌីជីថល និងបានផ្តល់យោបល់ឪ្យរដ្ឋាភិបាលបង្កើតអង្គភាពមួយដើម្បីប្រយុទ្ធប្រឆាំងនឹងឧក្រិដ្ឋកម្មតាមអ៊ីនធឺណិត និងការពារទិន្នន័យអ្នកប្រើប្រាស់។
វេទិកា អាយស៊ីធី និងឌីជីថលកម្ពុជា លើកទី២ បានបញ្ចប់ដោយការធ្វើបទបង្ហាញពីអង្គការយូនីសេហ្វកម្ពុជាស្តីពីការការពារកុមារតាមអ៊ីនធឺណិត សិក្ខាសាលា MyData4Children ដឹកនាំដោយលោក Dixon SIU និងបទបង្ហាញ Open Data Barometer ពីលោកស្រី Pyrou Chung ។