ការចាប់ផ្ដើមនៃ វេទិកា អាយស៊ីធី និងឌីជីថលកម្ពុជា
នាពេលបច្ចុប្បន្ននេះប្រទេសកម្ពុជាកំពុងដាក់ដំណើរការឌីជីថលភាវូបនីយកម្មដែលមានសន្ទុះយ៉ាងឆាប់រហ័ស ដំណាក់កាលនេះក៏ធ្វើឪ្យ ប៉ះពាល់ដល់វិស័យ និងសកម្មភាពផ្សេងៗ។ ជាលទ្ធផល រដ្ឋាភិបាល ប្រជាពលរដ្ឋ ក្រុមហ៊ុនឯកជន និងអង្គការសង្គមស៊ីវិល (CSOs) ពឹងផ្អែកកាន់តែខ្លាំងឡើងលើឧបករណ៍ឌីជីថលនិងបច្ចេកវិទ្យាទំនាក់ទំនងព័ត៌មានអាយស៊ីធីដើម្បីអភិវឌ្ឍសកម្មភាពរបស់ពួកគេ។ កាលានុវត្តភាពដែលមិនធ្លាប់កើតមានពីមុន ការប្រើប្រាស់ អាយស៊ីធីសម្រាប់ការគ្រប់គ្រងទិន្នន័យ ការទទួលបានព័ត៌មាន ការចែករំលែកចំណេះដឹង ការទំនាក់ទំនងនិងស្វ័យប្រវត្តិកម្មមួយផ្នែកពន្យល់ពីការពឹងផ្អែករបស់ភ្នាក់ងារទាំងនេះលើប្រព័ន្ធផ្សព្វផ្សាយឌីជីថល។ ជាងនេះទៅទៀត ការអភិវឌ្ឍន៍គោលនយោបាយរដ្ឋាភិបាលឌីជីថលរបស់កម្ពុជា ២០២២-២០៣៥មានន័យថាបុគ្គលនិងអ្នកជំនាញមកពីវិស័យជាច្រើនក្នុងប្រទេសត្រូវតែសម្របខ្លួនទៅនឹងច្បាប់សន្តិសុខសាយប័រនិងច្បាប់សិទ្ធិឌីជីថលដែលបានអនុវត្តថ្មី។
ទោះបីជាប្រទេសកម្ពុជាមានការរីកចម្រើនយ៉ាងឆាប់រហ័សក្នុងដំណើរការឌីជីថលនីយកម្មរបស់ខ្លួនក៏ដោយ ក៏បដិវត្តន៍ឌីជីថលដែលកំពុងបន្ត បានបង្កើតនូវ បញ្ហាប្រឈមយ៉ាងធ្ងន់ធ្ងរដល់ភាគីជាច្រើន ល់ភាគីទាំងនោះបានលើកជាសំណួរជាច្រើនអំពីវិសាលភាពនិងផលប៉ះពាល់របស់វា។ បញ្ហាបន្ទាន់បំផុតទាក់ទងនឹងដំណើរការឌីជីថលនៅក្នុងប្រទេសកម្ពុជារួមមានជំនាញឌីជីថល និងទិន្នន័យ ដែលនៅតែមានកម្រិតក្នុងប្រទេស និងបទប្បញ្ញត្តិនៃបញ្ហាឌីជីថលសំខាន់ៗ ដូចជាទិន្នន័យបើកចំហ និងការការពារទិន្នន័យផ្ទាល់ខ្លួន។
ដោយពិចារណាលើការវិវឌ្ឍថ្មីៗនៅក្នុងទិដ្ឋភាពឌីជីថលរបស់កម្ពុជាអង្គការទិន្នន័យអំពីការអភិវឌ្ឍន(អូឌីស៊ី)និងគណៈកម្មាធិការប្រឹក្សានៃវេទិកា បានរៀបចំកិច្ចប្រជុំបើកដំណើរការជាផ្លូវការនៃវេទិកា អាយស៊ីធី និងឌីជីថលកម្ពុជា (CamIDF) នៅថ្ងៃទី ១៦ ខែសីហា ឆ្នាំ ២០២២ នៅរាជធានីភ្នំពេញ ប្រទេសកម្ពុជា។ . ដោយមាន សមាសភាពចូលរួមមានចំនួន ៣២ នាក់ក្នុងនោះស្ត្រីមានចំនួន ១២នាក់ ដែលជា សមាជិក CamIDF, Cambodia ICT Camp alums, អ្នកជំនាញផ្នែកឌីជីថល តំណាងវិស័យឯកជន អ្នកសារព័ត៌មាន និងនិស្សិតសាកលវិទ្យាល័យ។ កិច្ចប្រជុំនេះ គឺជាវគ្គណែនាំសម្រាប់សមាជិកCamIDFនិងអ្នកចូលរួមផ្សេងទៀត។ វាក៏ជាវេទិកាមួយដើម្បីលើកកម្ពស់ការពិភាក្សាឆ្លងវិស័យរវាងភាគីពាក់ព័ន្ធលើសេចក្តីព្រាងច្បាប់ និងអនុក្រឹត្យថ្មីបំផុតរបស់កម្ពុជា ដែលគ្រប់គ្រងទិដ្ឋភាពឌីជីថល។
ព្រឹត្តិការណ៍
លោក ធី ទ្រី នាយកប្រតិបត្តិ/និពន្ធនាយកនៃ អង្គការទិន្នន័យអំពីការអភិវឌ្ឍន (អូឌីស៊ី) បានថ្លែងសុន្ទរកថាស្វាគមន៍។ គាត់បានចែករំលែកពី សាវតានិង គូសបញ្ជាក់ពី សារះសំខាន់នៃ នៃវេទិកា អាយស៊ីធី និងឌីជីថលកម្ពុជា។ គំនិតផ្តួចផ្តើមនេះកើតចេញពីអតីតនិស្សិត Cambodia ICT Camp ២០២២ ដែលបានស្នើសុំការជួបប្រជុំជាប្រចាំ។ ដើម្បីឆ្លើយតបនិង សំណើរបស់ពួកគេ ក្រុមការងារ (អូឌីស៊ី) និងមានការគាំទ្រពីគណៈកម្មាធិការប្រឹក្សា CamIDF នឹងរៀបចំកិច្ចប្រជុំ CamIDF រៀងរាល់បីខែម្តង ដោយចាប់ផ្តើមពីថ្ងៃនេះ (១៦ សីហា ២០២២)។ សកម្មភាពទាំងអស់នឹងត្រូវបានរៀបចំឡើងដោយពិចារណាលើសសរស្តម្ភទាំងបីនៃផែនការសេដ្ឋកិច្ចឌីជីថលរបស់កម្ពុជា គឺរដ្ឋាភិបាលឌីជីថល ធុរកិច្ចឌីជីថល និងពលរដ្ឋឌីជីថល ហើយនឹងជំរុញការជជែកពិភាក្សាជាសាធារណៈ វគ្គចែករំលែកសម្រាប់អ្នកជំនាញ និងការចូលរួមបង្កើតគោលនយោបាយ។
លោក ទ្រី បន្ថែមថា វេទិកា អាយស៊ីធី និងឌីជីថលកម្ពុជា និងលើកទឹកចិត្តឱ្យមានកិច្ចសន្ទនាជាបន្តបន្ទាប់រវាងអតីតនិស្សិត វាគ្មិន និងអ្នករៀបចំព្រឹត្តិការណ៍។ អន្តរកម្មបែបនេះនឹងអនុញ្ញាតឱ្យអ្នកចូលរួមពិភាក្សាអំពីប្រធានបទបន្ថែមទៀតដែលពួកគេបានលើកឡើងក្នុងខែមឆ្នាំ ២០២២ រួមមានសិទ្ធិ និងលំហឌីជីថល បញ្ហាដែលជំរុញដោយ អាយស៊ីធី ការអភិវឌ្ឍន៍បច្ចេកវិទ្យាចុងក្រោយបំផុត និងក្របខ័ណ្ឌច្បាប់ឌីជីថលរបស់កម្ពុជា។ ជាចុងក្រោយ លោក ទ្រី បានលើកទឹកចិត្តដល់អតីតនិស្សិត Cambodia ICT Camp ២០២២ ទាំងអស់ ឱ្យចុះឈ្មោះជាសមាជិក CamIDF មិនថាជាបុគ្គល ឬជាផ្នែកនៃស្ថាប័នណាមួយ ដើម្បីឲ្យពួកគេចូលរួមកិច្ចប្រជុំ ឬវគ្គបណ្តុះបណ្តាលនាពេលខាងមុខ។
លោកស្រី Elizabeth Liew អ្នកតំំណាង និងជាសមាជិកនៃគណៈកម្មាធិការប្រឹក្សា CamIDF និង បាន មានមតិសំណាល ជាមួយអ្នកចូលរួម។
លោកស្រី Liew អ្នកគ្រប់គ្រងផ្នែកអភិវឌ្ឍន៍កម្មវិធី និងភាពជាដៃគូយុទ្ធសាស្ត្រ អាស៊ីប៉ាស៊ីហ្វិក នៃ Techsoup ដែលជាបណ្តាញអន្តរជាតិមិនរកប្រាក់ចំណេញនៃអង្គការមិនមែនរដ្ឋាភិបាលដែលផ្តល់ការគាំទ្រផ្នែកបច្ចេកទេស និងឧបករណ៍បច្ចេកវិទ្យា បានលើកឡើងពីសារៈសំខាន់របស់ CamIDF ដែលជាចំណុចជួបជុំសម្រាប់ប្រជាជនកម្ពុជាក្នុងការស្វែងយល់ និងចែករំលែកចំណេះដឹងឌីជីថលនិងកែលម្អអក្ខរកម្មឌីជីថល។
លោកស្រី នាងបានសម្ដែងការព្រួយបារម្ភអំពីសុវត្ថិភាពឌីជីថល។ លោកស្រី Liew បានលើកឡើងពីលទ្ធផលស្ទង់មតិដែលបង្ហាញថា អង្គការមិនមែនរដ្ឋាភិបាលចំនួន ១២០០០នៅអាស៊ីមានឧបករណ៍សន្ដិសុខសាយប័រ ប៉ុន្តែជាង ៥០% នៃអ្នកឆ្លើយសំណួរបានលើកឡើងពី កង្វះខាតឧបករណ៍ឌីជីថល។ ដូច្នេះហើយ លោកស្រីបានលើកទឹកចិត្តឱ្យអ្នកចូលរួមចូលរួមជាមួយ CamIDF ដើម្បីចែករំលែកចំណេះដឹង បង្កើតឥទ្ធិពលលើដំណើរការបង្កើតគោលនយោបាយ និងបណ្តាញជាមួយមនុស្ស និងអង្គការផ្សេងៗ។
លក្ខខណ្ឌយោង និងព័ត៌មានលម្អិតអំពីសមាជិកភាពវេទិការបស់ CamIDF ត្រូវបានចែករំលែកដោយលោក ង៉ូវ ជីហ័រ អ្នកគ្រប់គ្រង វេទិកាអាយស៊ីធីនិងឌីជីថលកម្ពុជា អាយស៊ីធីខែម នៃអង្គការទិន្នន័យអំពីការអភិវឌ្ឍ (អូឌីស៊ី)។ លោកបានលើកឡើងពីលក្ខណៈវិនិច្ឆ័យសំខាន់នៃការចុះឈ្មោះ CamIDF។ ព័ត៌មានលម្អិតអំពីសមាជិកភាពវេទិកានៃបុគ្គល និងអង្គការនានា អង្គការសង្គមស៊ីវិល ដៃគូអភិវឌ្ឍន៍ អង្គការមូលដ្ឋាន និងបណ្តាញផ្សព្វផ្សាយ ត្រូវបានពន្យល់ រួមទាំងអត្ថប្រយោជន៍នៃការក្លាយជាសមាជិកនៃវេទិកា។ បុគ្គល និងសមាជិកអង្គការទាំងអស់មានសិទ្ធិទទួលបានការបណ្តុះបណ្តាល និងសកម្មភាពកសាងសមត្ថភាពផ្សេងទៀត។ បន្ទាប់ពីការបង្ហាញលក្ខខណ្ឌនៃឯកសារយោង និងព័ត៌មានទូទៅត្រូវបានចែករំលែក។ លោក សំអាន ម៉ារឌី ប្រធានគ្រប់គ្រងផ្នែកព័ត៌មានវិទ្យា និងគេហទំព័របានបង្ហាញពីវឌ្ឍនភាពនៃគេហទំព័រ CamIDF ដោយចែករំលែកគោលបំណង និងធាតុផ្សំនៃវេទិកា។ គោលដៅចម្បងរបស់គេហទំព័រ CamIDF គឺដើម្បីផ្សព្វផ្សាយព័ត៌មានពាក់ព័ន្ធអំពីវេទិកា (បច្ចុប្បន្នភាពសមាជិក ការប្រជុំជាបន្តបន្ទាប់ ការបណ្តុះបណ្តាល សកម្មភាពពង្រឹងសមត្ថភាព និងឱកាសផ្សេងទៀត) បង្កើតសហគមន៍សកម្មមួយដែលចូលរួមជាមួយអ្នកជំនាញ ICT ដែលមានគំនិតដូចគ្នាពីវិស័យផ្សេងៗគ្នា និងលើកកម្ពស់ ការផ្លាស់ប្តូរចំណេះដឹង អរគុណដល់អ្នកជំនាញនៃសមាជិកជាច្រើន។ គេហទំព័រ CamIDF ក៏មានតួនាទីជាវេទិកាមួយដើម្បីភ្ជាប់សមាជិកទាំងអស់ សម្របសម្រួលទំនាក់ទំនងអន្តរកម្ម ដើម្បីរៀបចំកិច្ចពិភាក្សាលើប្រធានបទជាច្រើន។
ក្នុងវគ្គបន្ទាប់ លោក Nguyen Duc Nam នាយកផ្នែក បរិវត្តកម្មឌីជីថល នៃViettel (Cambodia) PTE Ltd បានណែនាំអ្នកចូលរួមអំពីគម្រោងឌីជីថលរបស់Metfoneនៅកម្ពុជា។ គាត់គូសបញ្ជាក់អំពីប្រព័ន្ធអេកូឡូស៊ី គម្រោងឌីជីថល និងផែនការអប់រំឌីជីថល។ ក្រោមផែនការអប់រំឌីជីថល មិត្តហ្វូនបាននឹងកំពុងធ្វើការជាមួយសាលាចំនួន ២៦៥ ក្នុងប្រទេសកម្ពុជា ដើម្បីកែលម្អការគ្រប់គ្រងសាលារៀនការសិក្សាតាមប្រព័ន្ធអេឡិចត្រូនិក ធនធានឌីជីថលដូចជាសៀវភៅ ប្រព័ន្ធជជែក ការជូនដំណឹងសារ SMS និងកម្មវិធីទូរស័ព្ទសម្រាប់ក្រុមការងារ សិស្ស និងឪពុកម្តាយ។ បន្ទាប់មក លោក Dixon Siu សមាជិកគណៈកម្មាធិការប្រឹក្សា CamIDF និងក្រុមប្រឹក្សាភិបាល MyData Global 2022 បានលើនឡើងនិយាយអំពីចលនារបស់ MyDataGlobal និងសារៈសំខាន់នៃការការពារកុមារនៅក្នុងសង្គមឌីជីថល។ លោកបានប្រាប់អ្នកចូលរួមអំពីលទ្ធផលនៃសិក្ខាសាលា MyData4Children ក្នុងអំឡុងពេល កម្មវិធី កម្ពុជា អាយស៊ីធីខែមឆ្នាំ២០២២ ក្នុងខែមិថុនា រួមទាំងការលើកកម្ពស់ការយល់ដឹងអំពីការរំលោភបំពានលើអ៊ីនធឺណិតរបស់កុមារ និងក្រមសីលធម៌ឌីជីថល ការពង្រឹងទិន្នន័យផ្ទាល់ខ្លួន និងសេដ្ឋកិច្ចទិន្នន័យដោយយុត្តិធម៌។
បន្ទាប់ពីការធ្វើបទបង្ហាញទាំងនេះ អ្នកចូលរួមទាំងអស់បានចូលរួមក្នុងការប្រជុំជាក្រុម ដើម្បីពិភាក្សា និងប្រមូលធាតុចូលលើបញ្ហាសំខាន់ៗចំនួនពីរ។ ទីមួយ ស្ថានភាពនៃបណ្តាញ អាយស៊ីធី និងឌីជីថលដែលមានស្រាប់នៅកម្ពុជា។ ទី២ ប្រធានបទដែលនឹងលើកយកមកពិភាក្សាក្នុងកិច្ចប្រជុំ CamIDF លើកក្រោយ។
កិច្ចប្រជុំបានបញ្ចប់ដោយសុន្ទរកថាបិទរបស់លោកEricLou។ គាត់គឺជានាយកប្រតិបត្តិរបស់ក្រុមហ៊ុន OneWorldTechnology និងជាតំណាងគណៈកម្មាធិការប្រឹក្សារបស់CamIDF។ នៅក្នុងសុន្ទរកថារបស់លោក លោក Lou បានសម្តែងការកោតសរសើរចំពោះអតីតនិស្សិតនៃកម្មវិធី Cambodia ICT Camp និងការប្តេជ្ញាចិត្តរបស់សមាជិក CamIDF ក្នុងការគាំទ្រវេទិកានេះ។ លោកបានថ្លែងអំណរគុណចំពោះCamIDFដែលបាននាំយកអ្នកពាក់ព័ន្ធជាច្រើនមករួមគ្នាចែករំលែកនូវជំនាញនិងចំណេះដឹងរបស់ពួកគេលើប្រធានបទដ៏ធំទូលាយក្នុងវិស័យអាយស៊ីធី។លោកបានបញ្ចប់សុន្ទរកថាដោយលើកទឹកចិត្តអ្នកចូលរួមទាំងអស់ឱ្យបង្កើនការចូលរួមរបស់ពួកគេនៅក្នុងគម្រោង CamIDF ដើម្បីបង្កើនកិច្ចសហប្រតិបត្តិការក្នុងវិស័យអាយស៊ីធី នៅកម្ពុជា។
សកម្មភាពនាពេលអនាគត
បន្ទាប់ពីកិច្ចប្រជុំCamIDF ចាប់ផ្តើម អ្នកចូលរួមបានស្នើបញ្ជីប្រធានបទដែលត្រូវយកមកពិចារណា និងពិភាក្សាក្នុងកិច្ចប្រជុំបន្ទាប់។ ប្រធានបទរួមមាន:
ក្របខណ្ឌច្បាប់ឌីជីថលនៅកម្ពុជាបច្ចុប្បន្ន រួមមានសេចក្តីព្រាង និងការអនុវត្តច្បាប់ទាក់ទងនឹងវិស័យឌីជីថល (អនុក្រឹត្យស្តីពីច្រកទ្វារអ៊ីនធឺណិតជាតិ សេចក្តីព្រាងច្បាប់សន្តិសុខសាយប័រ និងសេចក្តីព្រាងច្បាប់ស្តីពីឧក្រិដ្ឋកម្មតាមអ៊ីនធឺណិត)។
ភាពជាដៃគូ/ការចូលរួមរបស់សាធារណៈ និងឯកជន រួមទាំងការរៀបចំឯកសារច្បាប់ និងជំនួយក្នុងដំណើរការចុះបញ្ជីអាជីវកម្ម។
ការប្រើប្រាស់ទិន្នន័យដើម្បីកែលម្អវិស័យឯកជន និងនិន្នាការក្នុងការអភិវឌ្ឍន៍ យអាយស៊ីធីអាចជួយបាន។